Орталық мамандары өз жұмыстарын әдістемелік сүйемелдеу арқылы, жұмыстың әртүрлі нысандарын пайдалана отырып, ведомствоаралық құрылымдарды, қазақстандық және шетелдік мамандарды тарта отырып жүргізеді.
Іс-шаралар:
- дағдарыстық жағдайлармен және олардың салдарымен жұмыс істеуге;
- төтенше жағдайдан кейінгі психологиялық көмекке;
- балаларға зорлық-зомбылық пен қатыгездіктің алдын алуға;
- суицидтің алдын алуға;
- балалар мен жасөспірімдердің психологиялық диагностикасын жүзеге асыруға;
-балалар- ата-аналар проблемалары мен қарым-қатынастарын шешуге;
- педагог қызметкерлердің кәсіби әлсіреудің алдын алуға;
- білім беру процесінің субъектілері үшін семинарлар, тренингтер, коучингтер, облыстық іс-шараларды ұйымдастыру және өткізуге бағытталған.
Тренингтер, оқыту семинарлары, іскерлік ойындар мен коучингтер өте танымал және тиімді. Топтық және жеке тренингтер үшін ойын, ертегі терапиясы, арт-терапия және т. б. әдістері қолданылады.
МӘТ (мобильді әрекет ету тобы) - аутодеструктивті мінез-құлық әрекеттері жағдайында сол жерде мамандандырылған көмек көрсететін мамандар.
Мобильді әрекет ету:
1) білім беру процесінің қатысушыларына әдістемелік және психологиялық көмек көрсету;
2) аутодеструктивті мінез-құлықтың, оның ішінде суицид жағдайларында себептерін анықтау мақсатында жағдайды зерделеу;
3) зорлық-зомбылықпен, буллингпен және суицидпен байланысты психоэмоционалдық, мінез-құлық, психоәлеуметтік проблемаларды, дағдарыстық жағдайларды шешу бойынша білім алушылардың кәмелетке толмағандары мен заңды өкілдерін психологиялық сүйемелдеу;
4) кәмелетке толмағандардың психологиялық қызметтердегі проблемалары мен қажеттіліктерін бағалауды жүргізу;
5) зорлық-зомбылыққа, қорқытуға (буллингке), кибербуллингке және балалардың құқықтарын басқа да бұзушылықтарға ұшыраған немесе куә болған балаларға көмек көрсету.
