Қызметтің негізгі бағыттарының бірі - білім беру ұйымдарының психологиялық қызмет мамандарын әдістемелік сүйемелдеу, білім алушылар мен заңды өкілдерге, сондай-ақ педагогтарға кеңестік көмек көрсету. 

Орталық дағдарыс жағдайында қолдау көрсетеді, суицидтік ойлары бар және аутодеструктивті мінезді білім алушыларды сүйемелдейді, буллингтің алдын алу бойынша белсенді жұмыс істейді. Ол үшін көп деңгейлі диагностикалық жүйе және ведомствоаралық өзара іс-әрекет қолданылады.

Біздің орталық заңды өкілдерге балаларға көмек көрсетудің әдістері мен тәсілдерін таңдауға мүмкіндік бере отырып, Солтүстік Қазақстан облысының білім беру мекемелерімен, СҚО психикалық денсаулық орталығымен белсенді жұмыс істейді.

ПҚО мақсаты: білім алушылардың, тәрбиеленушілердің, педагогтардың және заңды өкілдердің психологиялық әл-ауқатын сақтауға және нығайтуға бағытталған психологиялық қызметтің бірыңғай жүйесін құру.

Орталық қызметінің негізгі түрлері:

1.  балаларға және заңды өкілдерге, педагогтарға жұмыс уақыты режимінде офлайн және онлайн форматта кеңестік психологиялық көмек көрсету және тәулік бойы сенім телефондары бойынша онлайн кеңес беру;

2.   балалардың психологиялық әл-ауқатын қамтамасыз ету бойынша ведомствоішілік және ведомствоаралық өзара іс-қимылға жәрдемдесу және дағдарыстық жағдайларға, шағымдар мен өтініштерге жедел ден қою.

Психологиялық қолдау орталығы өз жұмысын келесі бағыттар бойынша жүргізеді:

• КОНСУЛЬТАЦИЯЛЫҚ-ДАМЫТУ БАҒЫТЫ;
• ҒЫЛЫМИ-ӘДІСТЕМЕЛІК БАҒЫТ;
• ҰЙЫМДАСТЫРУ БАҒЫТЫ;
• «МОБИЛЬДІ ӘРЕКЕТ ЕТУ» БАҒЫТЫ;
• «КӘСІБИ ҚҰЗЫРЕТТІЛІКТІ АРТТЫРУ» БАҒЫТЫ;
• ВЕДОМСТВОАРАЛЫҚ ЖӘНЕ ВЕДОМСТВОІШІЛІК БАҒЫТ;
• «ХАЛЫҚАРАЛЫҚ ЫНТЫМАҚТАСТЫҚ» БАҒЫТЫ.